قواعد المجتمع

الهدف

المجتمع ده معمول علشان الأطباء يتبادلوا معرفة طبية مبنية على الدليل، ويقدّموا للناس معلومة صحية موثوقة بلغة بسيطة.

• اكتب علشان تفيد: حالات تعليمية، أبحاث، ونصايح عملية.
• الأطباء بس هما اللي بينشروا؛ وكل المستخدمين يقدروا يقروا ويعلّقوا.
• أي حد بيشارك هنا لازم يوافق على القواعد دي الأول.

خصوصية المريض

سرّ المريض أمانة (المادة ٣٠ من لائحة آداب المهنة). مفيش أي حالة تتنشر بشكل يخلّي المريض ممكن يتعرف.

• ممنوع الأسماء، الوشوش، الأرقام القومية، أرقام التليفونات، أو صور الأشعة والتقارير اللي عليها بيانات.
• ممنوع التواريخ والأماكن والتفاصيل النادرة اللي ممكن تكشف هو مين.
• لأي حالة لازم موافقة مكتوبة من المريض قبل النشر، وبتأكدها في صفحة النشر.
• لو شفت بيانات مريض في منشور، بلّغ عنه فورًا.

معلومة صح

اكتب اللي عليه دليل علمي، ووضّح لما يكون الكلام رأيك الشخصي.

• اذكر المصدر لما تقدر.
• ممنوع الترويج لعلاجات مش مثبتة أو ادعاءات ضد الإجماع الطبي.
• لو اكتشفت غلطة في منشورك، عدّله أو امسحه.

ممنوع الإعلان

المنشورات للمعرفة مش للدعاية (المادتين ١٠ و١٩ من لائحة آداب المهنة). الحجز بيتم من صفحة العيادة.

• ممنوع الأسعار والعروض والخصومات.
• ممنوع عبارات زي «أحسن دكتور» أو «نتيجة مضمونة».
• ممنوع «كلمني علشان تحجز» وأرقام التليفون في المنشورات.

الاحترام

اختلف مع الفكرة مش مع الشخص.

• ممنوع التنمر والتحرش والشتيمة.
• ممنوع خطاب الكراهية أو التمييز بأي شكل.
• تقدر تعمل حظر أو كتم لأي حد من قايمة ⋯ .

مفيش تشخيص في التعليقات

الطبيب لازم يكشف قبل ما يعالج (المادة ١٥). التعليقات للمعلومة العامة بس.

• يا دكتور: متشخّصش ومتكتبش جرعات لحالة شخصية في التعليقات.
• لو عندك حالة تخصك، احجز كشف.
• في الطوارئ اتصل بـ ١٢٣ أو روح أقرب طوارئ.

الإبلاغ والعقوبات

كل منشور وتعليق وحساب عليه زرار «إبلاغ» في قايمة ⋯ .

• فريقنا بيراجع البلاغات خلال ٢٤ ساعة.
• المحتوى اللي عليه بلاغات كتير بيستخبى لحد ما يتراجع.
• المحتوى المخالف بيتشال، وصاحبه بياخد إنذار.
• كل تالت إنذار بيوقف النشر والتعليق ٣٠ يوم.
• المخالفات الخطيرة ممكن توصل لإيقاف الحساب.

تواصل معانا

عندك سؤال عن قرار، أو عايز تبلّغ عن حاجة عاجلة؟ كلمنا.