بتفتح عيادة جديدة؟ قائمة تجهيز التشغيل من أول يوم

11 أكتوبر 2026

فتح عيادة جديدة مشروع كبير: إيجار، وتشطيب، وأجهزة، وتراخيص. وفي وسط ده كله، حاجات التشغيل اليومي بتتأجل لحد أول يوم… وبعدين يبدأ الارتباك. القائمة دي عن تجهيز التشغيل نفسه. أما التراخيص والاشتراطات الرسمية، فراجعها مع الجهات المختصة ونقابة الأطباء في محافظتك. قبل الافتتاح بأسبوعين • حدد مواعيد العمل لكل يوم، والراحة، وأيام الإجازة. • اكتب قائمة الخدمات: كشف، إعادة، وأي إجراءات، ولكل خدمة سعرها ومدتها. • قرر سياسة الإعادة: مجانية خلال كام يوم؟ ولا بسعر مختلف؟ • جهّز روشتة باسمك وبيانات العيادة. قبل الافتتاح بأسبوع • جهّز صفحة العيادة على الإنترنت: العنوان، والموقع على الخريطة، والتليفون، والمواعيد، وصورة. • فعّل طلبات الحجز أونلاين عشان أول المرضى يقدروا يحجزوا. • لو معاك سكرتيرة، درّبها على الجدول والفواتير قبل أول مريض. • جهّز المستلزمات الأساسية وحدد حد أدنى لكل صنف. أول يوم • سجّل كل مريض في ملف من أول زيارة. أسهل كتير من إنك تنقل ورق بعدين. • اقفل اليوم بحساب الإيراد مقابل الدرج. أول شهر • راجع: كام مريض جديد؟ كام رجع؟ منين عرفوك؟ • شوف المصروفات مقابل الإيراد. في ميديكال حورس، أغلب القائمة دي بتتعمل في إعداد العيادة نفسه: المواعيد، والخدمات وأسعارها ومدتها، والغرف، وصفحة العيادة العامة، والحجز أونلاين. ولو حابب، فيه فيديوهات قصيرة بتشرح الإعداد خطوة بخطوة في صفحة الفيديوهات على الموقع. البداية المنظمة بتوفر عليك شهور من الترقيع بعدين.